Sean Phaidreacha na nDaoine

Go luighimíd leat, a Dhia, anocht agus go luigh Dia linn.

An Mac thug slán ó an lß sinn,

go dtugaidh sé slán ó an oidhche sinn.

An Mac do cheannuigh sinn

Go mba hé ghlacfaidh sinn.

Ceithre cúinne ar mo leaba,

Ceithre aingeal ortha scaipthe,

Má gheibhim-se bás idir so 's maidin,

I bhFlaitheas Dé go raibh m'anam.

Go mbeannuighthear duit an chros ar chéasadh Críost

Go mbeannuightear duit, a chrann díreach an duilleabhair ghlais.

Cuirim coimirce mo anam ort, a Íosa,

go bhfillteadh arís ar an gcrois.

Luighim le Dia agus go luighidh Dia liom,

Lámh dheas Dia fá mo cheann,

Dhá láimh Mhuire tharm anall,

Cros na naoi n-aingeal bhfionn

Ó chúl mo chinn

Go trácht mo bhonn.

Nár luighim leis an olc,

Agus nár luigh an t-olc liom.
-----

Crann ar chéasadh Críost

Idir mé agus an trom-luighe

agus aon rud eile bheadh ar mo thí,

Le toil Dé agus le congnamh na Maighdine glórmhaire.

Ó Íosa, a shíor-mhic, athair agus uan,

Thug fíor-fhuil do chroidhe istigh dár gceannach go cruaidh,

Ísligh ár ndíomdhá, ár bhfearg agus ár n-uabhar,

Agus díobair na droch-smaointe malluighthe uainn.

A Fhuil Chríost, nigh sinn,

A chréachta, fuiligh sinn,

A Pháis Chríost, neartaigh sinn,

Ó Íosa mhilis, éist linn,

Déan sinn do dheaghailt ó an eascaraid,

Cuir sinn i bhfochair na naomh

Anois, agus le saoghal na saoghal.
-----

Ó Rí na bhFlaitheas, do bheannuigh gach aon nídh,

Cuir 'nár seasamh sinn ar thalamh na cré-Fodla,

Beir ár n-anam leat go carthannach, sitheoilte

go dtí an t-octhar aingeal is sine agus is óige,

agus an dáréag apstal i gcathair na Tríonóide.
-----

Anna, máthair Mhuire,

Muire, máthair Chríost,

Élisabet, máthair Eoin Baiste,

Iarraim féin ar an dtriúr sin

Mé thabhairt saor ó sgair na leabthan.

Mo ghrádh-sa thusa, a Mhuire gheal máthair,

Mo chabhair congnanta in am na práinne,

Mo dhochtúir leighis tinn nó i mo shláinte,

Agus mo urradh breágh beannuighthe

leis na Flaitheasaibh d'fhághbháil dúinn.

Mo athchuingidhe chughat, a Mhuire,

Do athchuingidhe do chur chun do leinbh

Maitheamhnas do thabhairt dam i mo chorthaibh

Ar son Dia agus Muire.
-----

Iarraimíd tré chabhracha ar an Athair Síorraidhe

In ainm Íosa Críost,

Cabhair ghlórmhar, cabhair thrócaireach, cabhair anama agus coirp.
-----

Coimirce m'anama ort,

A Athair shíor-chomhachtach,

Ar Mhuire bheannuighthe,

Banaltra Ríogh glórmhair,

Ar Mhicéal aingeal,

An teachtaire sitheoilte,

Daréag apstal agus

An Tiarna trócaireach

Bheith ag gárdáil m'anama

go dtí cathair na glóire.

Luighim ar an leabadh

Mar luighim in san uaigh.

Déanaim mo fhaoisidín leat

A Íosa go cruaidh.

Tré gníomhartha mo cholna,

Tré smaointe mo chroidhe,

Tré amharc mo shúl,

Tré labhairt mo bhéal,

Tré siubhal mo chos,

Tré gach nídh adubhart

Agus ná raibh fíor,

Tré gach nídh gheallas

Agus nár choimhlíonas,

Gach nídh do rinneas i gcoinne do dhlighe

Ná do thoile naomhtha,

Iarraim maitheamhnas ort,

A Rí na Glóire.

Cuirim coimirce mo anam ort, a Íosa,

go bhfillteadh arís ar an gcrois.

Ó Íosa gur síneadh do ghéaga ar an gcrois,

D'fhuiling trínn-ne na céadta agus na mílte lot,

luighmid síos fá dhíon do sgéithe anocht.

Toradh an chrainn go bhfaghbhaimíd

In ar chéasadh tú.
-----