Sean Phaidreacha na nDaoine

Ó, a Dhia, a charthannacht gan teora agus a thrócaire gan míosúr,

Sé do ghrádh do bheir ort teacht go dtí mé,

Sé mo dhóchas do-bheir damh-sa tú do ghlacadh.

Tugaim mo chorp duit mar theampall,

mo thoil duit mar íodhbairt,

mo chroidhe dhuit mar áltóir,

m'anam duit mar pixis.

----------

A Íosa, Íosa, coimeád na caoirigh

ar na gleanntaibh míne,

agus ar na móinfhéaraibh caoine,

Ár gcosaint ó an micdíre.

Ná tinneas chum báis é

Acht tinneas chum sláinte

Bheith tinn le grádh dhuit,

A Rí na páirte.

----------

Go raibh ainm mhilis Íosa

go taithneamhach sgríobhtha

ar lár mo chroidhe-se.

A Mhuire, a Mháthair Íosa,

go raibh Íosa agam-sa

agus mise ag Íosa.

Ceangal grádh

bheith eadrainn go bráth

Gan sgaoileadh.

Ámen, a Íosa,

go bráth 's choidhche.

Ó, a Thiarna, Fhuaiscailteoir thrócairigh na bhflaitheas,

A leinbh ísil, uasail, a uain Dé neamh-chionntaigh,

Clúdaigh i t'olann mé.

Tabhair lóistín i do chroidhe dham.

Folaigh mé i do lotaibh.

Nigh mé le do chuid fola.

Leaghaigh mé i dteinibh cumhra do charthannachta.

Neartaigh mé le do ghrádh.

Aithbheiogh mé le do bhás.

Ó, a Thiarna, déan mé iomshlán taithneamhach le toradh do naomh-croidhe.

Ámen.